In die eerste saak is die Zimbabwiër Benson Ndlovu op drie aanklagte – twee ingevolge die natuurbewaringsverordening en een ingevolge die immigrasiewet – skuldig bevind en gevonnis nadat hy vroeër vanjaar in ’n lokval vasgetrek is.
Ndlovu is op 27 Junie op die R45 tussen Paarl en Malmesbury in ’n operasie ingevolge Artikel 252A van die strafhandelingsprosesaangekeer toe lede van die veediefstaleenheid en eenheid vir bedreigde spesies vir hom ’n lokval gestel het waar ’n ietermagôvel vir R94 000 aangekoop is. Nadat die transaksie voltooi is, sonder enige geld, is Ndlovu in hegtenis geneem.
Hy is op 5 November op al drie aanklagte skuldig bevind en as volg gevonnis: Aanklag 1: ses jaar tronkstraf waarvan twee jaar vir vyf jaar opgeskort is; vier jaar effektiewe tronkstraf, aanklag 2: twee jaar tronkstraf, en aanklag 3: R1 500 of drie maande tronkstraf opgeskort vir drie jaar met voorwaardes. AO Rudi Lourens het die saak ondersoek.
Die veediefstaleenheid wat al pryse gewen het, dek 33 polisiekantore, onder andere die Paarl, en strek van Philadelphia, al langs die N7 tot by die Noord-Kaapse grens.
