Vier verdagtes is in hegtenis geneem ná ’n geïntegreerde klopjag by huise van berugte dwelmhandelaars in Moorreesburg.
Polisiebeamptes van Moorreesburg tesame met K9-wetstoepassers en ander rolspelers het klopjagte by huise in Spreeusirkel en Sonneblomstraat uitgevoer.
Die polisie het met verdere ondersoek op verskeie dwelms, waaronder dagga en mandrax-tablette, asook R56 060,60 in kontant beslag gelê.
Vier verdagtes tussen 20 en 41 jaar is op aanklagte van handel in dwelms in hegtenis geneem.
Die verdagtes sou na verwagting gister (6 Junie) in die Moorreesburg-landdroshof verskyn.
