’n Jong man van Robertson met ’n passie vir atletiek, het sy visier op die Wêreld- Junior atletiek-byeenkoms in Colombië gestel.
Agano Daniels (18), wat by HTS Drostdy in Worcester skoolgaan, het onlangs sy skool én gemeenskap se vlag hoog geswaai nadat hy as die Boland-kampioen in die 100 m gekroon is. Hy het ook silwer in die 200 m gewen.
Daarbenewens het hy die afgelope naweek vir die SA kampioenskapsbyeenkoms van 30 Maart tot 2 April in Potchefstroom gekwalifiseer.
“Dit was my eerste goud by die Boland-kampioenskap, dus was dit baie spesiaal vir my,” sê Daniels.
Oor die 200 m-wedloop, sê hy, was hy moeg.
“Dit was twee uur ná my eerste wedren, so dit sy tol geëis, maar ek verstaan ??dat ek die naweek by die Wes-Kaapse kampioenskap meer voorbereid sal moet wees.”
Daniels sê hy het ’n loopbaan vir homself in atletiek begin sien toe hy in gr.8 was. Sedertdien is hy op ’n bestendige kurwe.
Benewens dit deel hy verder dat hy opkyk na Wayde van Niekerk, die 200 m- en 400 m-atleet wat ook die huidige wêreld- en Olimpiese Spele-rekordhouer is.
Oor wat hom gemotiveerd hou, sê hy: “Ek verloor nooit die groter prentjie uit die oog nie, naamlik om in die Olimpiese Spele mee te ding.”
’n Deel van dié prentjie wat hy vir homself geteken het, is om universiteitstoelating te kry om fisioterapie te gaan studeer.
“Ek wil my ma trots maak omdat sy baie vir my opoffer.”. Lesers wat vir Agano se verblyf en vliegkaartjie wil bydra, kan sy afrigter, Husaam Neethling, by 081 776 1675 bel.
